اورگيم آغلايير، گؤزلريم دولور
هر زامان گؤرنده شور گؤليميزي
بير عمور توتوبدي اليند ه ن ائلين
ايندي سه اَل آچيب گؤزله يير بيزي

بير زامان واريدي شهرتي شاني
عرشه چاتديرميشدي آذربايجاني
بو همان دنيزدي چكيليب قاني
آز قالير قوريا، قالميا ايزي

چاره سيز دنيزه چاره قيل وطن
آغلا، گؤز ياشيوي تؤك دنيزه سن
دوزلارين ايله ييب اينينه كفن
قيزاريب دنيزين ماوي بنيزي

عثمانين يومروغو، كاظيمين داشي
قؤيمارام كسيلسين گرزومون ياشي
كسيلسه جان وئره ر خزر قارداشي
بير داها گؤره نمز اورمو، دنيزي

اورميه، اردبيل، زنجان، همدان
جيغاتي، تاتائو، سهند، ساوالان
يانديرير اؤلكه ني حسرتله هيجران
ديغلادير آيريليق قؤجا تبريزي